Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойн хүрээнд Ерөнхий боловсролын сургуулийн сурагчдыг НИТХ-ын үйл ажиллагаатай танилцах өдрийг зохион байгууллаа.  

Нийслэлийн Ерөнхий боловсролын 34-р сургуулийн Ж.Болор-Эрдэнэ багштай 3д болон Шинэ Монгол Харүмафүжи сургуулийн Н.Нандин-Эрдэнэ багштай 8-1 ангийн сурагчид Шинэ Хангарди ордон болон НИТХ-ын үйл ажиллагаатай танилцлаа. НИТХ-ын Захиргаа, удирдлагын хэлтсийн дарга М.Халтар Үндсэн хуулийн талаар товч мэдээлэл сурагчдад өглөө. Төлөөлөгч Ж.Энхжаргалан, Л.Хосбаяр нар сурагчдыг хүлээн авч, НИТХ-ын үйл ажиллагааг танилцуулж, сурагчдын сонирхсон асуултад хариулж, мэдээлэл өглөө.

Сурагчид Тусгаар тогтнол шүлэг болон төрийн дууллаа дуулж Бүгд Найрамдах Улсыг тунхаглаж, анхдугаар Үндсэн хууль баталсны 100 жилийн ойд хүндэтгэл үзүүллээ.